Тренерот на Манчестер јунајтед, Рубен Аморим вели дека нема да добие време како што добил неговиот колега Микел Артета во Арсенал.
Манчестер јунајтед во недела го пречекува Арсенал на Олд Трафорд, па во пресрет на натпреварот, беше направена споредба помеѓу Рубен Аморим и Микел Артета.
Шпанецот седна на кормилото на Арсенал во декември 2019 и веднаш донесе трофеј во ФА Купот, но му требаа дури три години да ги врати „топчиите“ во Лигата на шампиони и да ги претвори во конкурент за титулата во Премиерлигата.
И додека Рубен Аморим вели дека влече инспирација од својот колега, порача дека Манчестер јунајтед поинаков клуб и тој нема да добие вакво време.
„Не би рекол дека сме во слична ситуација. Јас нема да го добијам времето кое го доби Артета. Го чувствувам тоа, Манчестер јунајтед е поинаков клуб“ – вели Португалецот.
„Она што го Артета го направи и како тој се справуваше со ситуацијата и работите е инспирација за сите, но јас нема да добијам време како што доби тој“.
Во моментов Рубен Аморим се мачи да испорача и добра игра и резултати, па често се појавуваат гласини дека Манчестер јунајтед може да му врачи отказ.
Останува да се види дали тој ќе успее да ја промени ситуацијата или оваа изјава му е само алиби и подготовка на терен за брз крај на авантурата на Олд Трафорд.