181
По лошиот настап на мундијалот во Русија, Лео Меси повторно е оној стариот, Аргентинецот вечерва имаше шоу на Камп Ноу и ја предводеше Барса до победа од 3-0.
Гостите со цврста игра во одбраната одолеваа еден час и покрај тоа што „Каталонците“ имаа неколку добри прилики а ја погодија и рамката од голот.
Но потоа на сцена стапи Лео Меси, напаѓачот сам изнуди прекршок на врвот од шеснаесетникот откако влезе во продор и издрибла неколку противнички играчи. Потоа тој итро биеше под живиот ѕид и го отвори резултатот а воедно го постигна и погодокот број 6.000 за Барса во Ла Лига.
Филипе Кутињо ги реши сите дилеми околу победникот во 83. минута, за во судиското надополнување Лео Меси да стави точка на натпреварот.