Интер ќе ја заврши годината на делба на првото место на табелата со Јувентус, по двата нерешени резултати, „нероаѕурите“ вечерва им се вратија на победите и ја совладаа Џенова со 4-0.
Мечот го одбележа Ромелу Лукаку, напаѓачот постигна два гола, намести еден а имаше и прекрасен гест и му дозволи на 17 годишниот Еспозито да шутира пенал.
Резултатот беше отворен во 31. минута, Кандрева нафрли а Лукаку со глава прецизно биеше за 1-0. 90 секунди подоцна, Лукаку му асистираше на Гаљардини за 2-0.
Гестот за пофалба се случи во 64. минута, Гаљардини беше соборен, судијата досуди пенал, а Лукаку ја зеде топката, му ја даде на Еспозито и го остави тинејџерот да го постигне деби голот во дресот на Интер.
Во 71. минута Лукаку сам си креираше простор и неодбранливо биеше под пречката за 4-0.