Фудбалерот на
Валенсија, Езекиел Гарај е првиот случај на коронавирус во „Примера“, откако
неодамна шпанскиот прволигаш го тестирал целиот прв тим, па иако не е во
можност ниту да тренира, ниту да настапува поради повреда, Аргентинецот е
позитивен на Ковид-19.
Поради лигаментите
на коленото, малерозниот Гарај не беше во можност да ги извршува клупските
обврски, па така беше подложен на рехабилитација во тренинг комплексот во
Патерна, а сега сите членови на Валенсија кои биле во контакт со него ќе мораат
да одат во изолација.
Во меѓувреме,
додека е во изолација, Гарај не може да дојде до контакт со својата сопруга,
како и децата, а неговата сопруга Тамара Горо, на социјалните мрежи објави
фотографија за тоа како изгледа во моментов нивниот живот.
„Заедно на
дистанца (Езе носи препорачана медицинска маска)“ напиша таа во објавата.