Манчестер
јунајтед е сериозен во намерата да дојде до потписот на напаѓачот на Лион, Муса
Дембеле, веќе е познато дека Премиерлигашот извесен период под будно око ги
следи неговите настапи, па така ќе биде и денеска.
Лион денеска
гостува кај Бордо во мини дербито во француската прва лига во рамките на 20.
коло од тој шампионат, а одредени медиуми известуваат дека Манчестер јунајтед
повторно ќе има скаут на трибините кој ќе ги нотира перформансите на 23
годишниот напаѓач.
Манчестер
јунајтед и Челси имаа скаути на трибините за претходниот меч на Лион во
победата над Брест во Лига купот на Франција каде Лион славеше со 3-1, а токму
Дембеле го постигна водечкиот гол за домаќините.
Нема дилеми во
тоа дека Дембеле е голема желба за тренерот на „Црвените ѓаволи“, Оле Гунар Солшер, откако на 18 настапи за
Лион сезонава постигна 10 погодоци во „Лиг 1“, а би можел уште месецов да се
пресели во Премиерлигата.
„Скај Спортс“ извести дека освен Дембеле, желба на Солшер е воедно и напаѓачот на Волверхемптон, Раул Хименез.
New Rumor!
Manchester United are interested in signing Wolves striker Raul Jimenez and Lyon forward Moussa Dembele.
(Sky Sports) pic.twitter.com/Bnq7L6RYG6
— Latest Rumors (@LatestRumors) January 11, 2020