САД доживеа голема бламажа откако загуби на гостувањето кај Тринидад и Тобаго кој претходно имаше освоено само три бода и беше закован на последното место.
Резултатот беше отворен во 17. минута со спректакуларен автогол на Гонзалез, а Џонс во 37. минута го зголеми водството на 2-0 за Тринидад. На почетокот од вториот дел Пулишиќ намали на 2-1, но до крајот на мечот САД не успеа да постигне уште еден гол за плсаман на СП во Русија.
На елиминацијата кумуваа и резултатите од другите мечеви. Панама со крајно контроверзен гол ја победи Костарика со 2-1. Првиот гол на Панамците беше вистински грабеж, топката не ја помина гол линијата.
Хондурас го совлада Мексико со 3-2 и избори бараж за пласман во Русија.
Квалификациите за СП во Северна и Централна Америка:
1. Мексико 21
2. Костарика 16
3. Панама 13
4. Хондурас 13
5. САД 12
6. Тринидад и Тобаго 6
Првите три одат директно на СП, четвртиот игра бараж.