Соиграчите од Абердин се молат Миовски да остане!

Капитенот на Абердин, Грем Шини вели дека фудбалерите во тимот очајно посакуваат клубот да го задржи Бојан Миовски бидејќи тој е клучен играч.

По двете одлични сезони, Миовски е мета на многу клубови, за Македонецот има интерес од Италија, Шпанија, Англија, Германија и Холандија. Голема е веројатноста дека тој ќе замине, но неговите соиграчи посакуваат тоа да не се случи.

„Бојан е клучен фудбалер за нас. Ние очајно посакуваме да го задржиме. Како и да е, знаеме кое време од сезоната е и дека трансфер прозорецот е отворен, па се може да се случи“, вели капитенот на Абердин, Грем Шини.

„Што и да се случува, ние ќе чекаме и ќе видиме. Фудбалот е фудбал и доколку Бојан си оди, ние ќе му посакаме се најдобро. Но се надеваме дека ќе остане“.