Слот: Тоа што му се случи на Манчестер сити може да се случи на секој друг

Фудбалерите на Ливерпул продолжија со добрите настапи и вчера го совладаа Лестер со 3:1.

По овој натпревар „црвените“ на врвот имаат седум бода предност во однос на Челси на втората позиција, но и натпревар помалку со Евертон.

Иако е во одлична позиција, Слот не сака да размислува за титулата.

„Да славиме? Какво славење, да бидеме сериозни…Кога сте долго во фудбалот знаете дека со 20 натпревари до крајот ништо не е сигурно. Има многу предизвици пред нас. Сити беше пред нас пред два месеци, но потоа им се случија повреди, лоша среќа, казни…и видете што им се случува. Така може да биде со секој друг“, изјави Слот.