По убедливата
победа на домашен терен во Струмица со 3-0, екипата на Шкендија славеше со уште
поубедлива победа на гостувањето кај Дачија (0-4), во реванш натпреварот кој се
одигра во Кишињев.
Алими најнапред
го доведе во водство тимот на Ќатип Османи во 32. минута, решавајќи ги сите
дилеми околу победникот од овој двомеч, за веќе на една минута пред паузата на
полувремето Жуниор да зголеми и на 0-2 со што се надзираше катастрофа за
домаќините.
Само четири
минута откако влезе во игра, „џокерот“ од клупата Зејнулаи во 81. минута зголеми
на 0-3, додека во 88. минута Хасани ги постави конечните 0-4 од овој натпревар.
За издвојување е
тоа што домаќините останаа со играч помалку на теренот во 37. минута, откако
Андроиниќ заработи втор жолт картон, по автоматизам и директен црвен, додека
пак нашиот претставник целосно ја искористи оваа ситуација.
Сосема заслужено Шкендија прогресираше во следната рунда ако се
земе во предвид првиот меч во Струмица, воедно и овој во Кишињев каде нашиот
претставник имаше апсолутна доминација на теренот.
Шефот на
стручниот штаб на македонскиот вицепрвак, Ќатип Османи се реши на реваншот во
Кишињев да истрча со следните фудбалери: Захов, Бејтулаи, Алими (Зејнулаи
77’), Цуцули, Ибраими,
Хасани, Вујчиќ, Радески (Теќа
69’), Мурати, Жуниор (Тотре
77’) и Тодоровски.
Формациската
поставеност на Шкендија
Графички приказ: KF Shkendija (Facebook)
Шкендија за
противник во второто квалификациско коло ќе го добие подобриот од Конанс Кеј од
Велс и ХЈК од Финска. Во првиот меч Велшаните славеа на домашен терен минимално
со 1-0, реваншот во Финска се игра во терминот од 18,00 часот.
Што се однесува
пак до останатите македонски претставници во квалификациите за Лига Европа, во
тек е второто полувреме од дуелот помеѓу Пелистер и Лех Познан, во првиот меч
полскиот претставник славеше убедливо со 4-0, додека Работнички во моментов го
игра дуелот против Тре Пене од Сан Марино, на првиот меч на гости славеше со
0-1.