Тинејџерите на Арсенал, Итан Нванери и Мајлс Луис Скели испишаа историја на синоќешниот натпревар против ПСВ во Лигата на шампиони.
„Топчиите“ синоќа славеа со 1-7 на гостувањето во Ајндховен, убедливата победа донесе огромен чекор кон четвртфинале, но и неколку рекорди.
Арсенал стана првиот тим кој постигнал 7 погодоци како гостин во нок-аут натпревар во Лигата на шампиони.
Итан Нванери исто така стана третиот најмлад стрелец во нок-аут натпревар во Лигата на шампиони, со 17 години и 348 дена, пред него се само Џуд Белингем (17 години и 289 дена) и Бојан Кркиќ (17 години и 217 дена).
Исто така, за неговиот гол асистент беше уште еден тинејџер, Мајлс Луис Скели, па за прв пат во историјата, двајца тинејџери од Англија комбинирале за гол во Лигата на шампиони.
Интересно е тоа што Итан Нванери и Мајлс Луис Скели во исто време (2015 година) стануваат дел од школата на „топчиите“, и од тимот за играчи до 9 години, заедно прогресираат до првиот тим, и синоќа придонесоа за гол.
𝗟𝗔 𝗥𝗘𝗟𝗘̀𝗩𝗘 𝗗’𝗔𝗥𝗦𝗘𝗡𝗔𝗟 𝗘𝗦𝗧 𝗔𝗦𝗦𝗨𝗥𝗘́𝗘 !
— Actu Foot (@ActuFoot_) March 4, 2025
Ce soir face au PSV, c’est la jeunesse qui fait la différence :Ethan Nwaneri
𝗕𝗨𝗧𝗘𝗨𝗥 (17 ans)
Myles Lewis-Skelly
Depuis petits, c’est écrit.pic.twitter.com/aYRXgDvj9U
