Судската постапка против поранешниот француски репрезентативец Висам Бен Једер е поништена поради недостиг на докази, објави „АФП“, повикувајќи се на судски извори.
Обвинителната постапка, која беше отворена на 3 ноември 2025 година за силување и обид за силување, е затворена со образложение дека нема основа случајот да продолжи, и покрај препораките на обвинителството. Случајот се однесува на настан од летото 2023 година во Ница, кога Бен Једер и неговиот брат беа обвинети дека присилиле две девојки на сексуален однос. Тие негираа вина и тврдеа дека се било со заемна согласност.
Бен Једер во кариерата настапуваше за Монако, Тулуз и Севиља, а за француската репрезентација одигра 19 натпревари и постигна 3 гола. Во моментов е член на мароканскиот Видад Казабланка.
Во 2024 година Бен Једер практично заврши со сериозното играње фудбал. Потоа замина да игра во ирански Сепахан, турски Сакариаспор и сега настапува во Мароко.