Голманката на Ливерпул, Рафаела Борггрефе, е казнета со шест натпревари суспензија од страна на Фудбалската асоцијација на Англија (ФА), откако е утврдено дека упатила расистички навредила нејзина соиграчка.
Спорниот коментар, според информациите, бил изречен за време на претсезонските подготовки на Ливерпул, додека екипата се подготвувала за заедничко фотографирање. Клубот веднаш спровел интерна истрага и случајот го пријавил до ФА. Поради заштита на фудбалерката, дополнителни детали за дисциплинската постапка нема да бидат објавени.
Случајот го потврди и Гарет Тејлор, тренерот на Ливерпул.
„Имаме кратко ажурирање на ситуацијата, во смисла дека ФА ја заврши својата темелна истрага. Фудбалерката е санкционирана со шест натпревари суспензија. Таа забрана веќе важеше, така што овој викенд нема да биде во конкуренција, но по тоа ќе биде достапна за настап“, изјави Тејлор.
Liverpool's Rafaela Borggräfe was given a six-game ban by the FA after being found to have made a racist comment that involved reference to skin colour. Borggräfe has served five matches of that ban already. She accepted the sanction. More here. #LFCwomenhttps://t.co/CV3Xb3cIR0
— Tom Garry (@TomJGarry) January 16, 2026