Сопственикот на Манчестер Сити и потпретседател на Обединетите Арапски Емирати, шеикот Мансур бин Зајед, се најде под сериозни обвиненија дека наводно снабдувал со оружје паравоена формација во Судан.
Овие тврдења го поврзуваат Манчестер сити со конфликтот во Судан, иако клубот директно не е вмешан во настаните. Според светските медиуми, Обединетите Арапски Емирати, под водство на шеикот Мансур и други високи функционери, обезбедувале оружје и логистичка поддршка за силите за брза поддршка, група што води вооружени судири со редовната суданска армија.
Групата е обвинета од меѓународни организации и повеќе влади за тешки прекршувања на човековите права, меѓу кои и воени злосторства и геноцид, особено во регионот Дарфур.
Наводите се појавија во голем број светски медиуми, но и експерти на Обединетите Нации спроведоа истраги околу улогата на Емиратите во конфликтот во Судан. Владата во Абу Даби категорично ги отфрла сите обвинувања и тврди дека нивното делување во Судан е исклучиво хуманитарно. Но, независните извештаи и анализи на ОН даваат поинаква слика.
Premier League club Manchester City are linked with the alleged genocide in Sudan.
— DW Sports (@dw_sports) November 17, 2025
Their owner and UAE vice president Sheik Mansour is accused of providing the RSF militia with weapons. pic.twitter.com/NC4ipNGJEU