Сити го помина Борнмут, но го загуби Халанд!

Манчестер Сити со 2-1 славеше на гостувањето кај Борнмут во ФА Купот, во меч во кој се повреди Ерлинг Халанд.

Халанд во 14. минута промаши пенал, а седум минути подоцна Еванилсон даде гол за водство на Борнмут од 1-0.

По четири минути игра во второто полувреме Халанд се искупи за промешниот пенал, даде гол за израмнување на 1-1.

Но, десет минути подоцна Норвежанецот заработи повреда поради која мораше да го напушти теренот.

Дополнително треба да се дознае колку е сериозна повредата на Халанд и дали и колку време ќе биде надвор од теренот.

На негово место влезе Мармуш и веднаш даде гол за победа на Сити од 2-1.

Денеска се одигра и мечот меѓу Престон и Астон Вила кој го добија гостите со 3-0, два гола беа дело на Рашфорд.