Фудбалерите на Астон Вила и Ливерпул одиграа нерешени 2-2 (2-1), во рамките на 29. коло на Премиер лигата.
Резултатот на „Вила Парк“ го отвори Мохамед Салах со гол во 29. минута по асистенција на Диого Жота (0-1). Сепак, во финишот на полувремето Јури Тилеманс и Оли Воткинс режираа пресврт за домаќинот (2-1).
Во вториот дел израмнување за Ливерпул донесе Трент Александер Арнолд во 61. минута. Имаше гостинот и шанси да победи, поточно две на Дарвин Нуњез, ама тој имаше едно неверојатно промашување пред празен гол од неколку метри.
На крајот средбата заврши со делба на пленот и реми. Ливерпул е првопласиран со 61 бод на табелата, пред Арсенал кој има 53.
