Рома го надигра Челси во секој поглед синоќа и славеше со
убедливи 3-0 пред своја публика во четвртото коло од групата „Ц“ од Лигата на
шампионите.
Многу работи во играта на Челси беа нејасни на мечот во
Рим, а одбраната на Антонио Конте делуваше како „швајцарско сирење“ за
противникот, доказ за тоа е и следнава ситуација во која домаќинот организираше
контра, а дури тројца фудбалери на гостите тргнаа кон Џеко, што остави целосен
простор за Пероти кој на крајот не успеа да погоди.
Во истата ситуација се најдоа Давид Луиз, Цесар Азпиликуета,
како и Антонио Рудигер, екс фудбалерот на Рома, сите сега се на мета на потсмев
кај фудбалската јавност поради нивната аматерска организација во одбраната.
На две кола до крајот, тимот од Рим е прв во оваа
конкуренција со осум бода, еден повеќе од Челси, додека Атлетико Мадрид засега
има три бода, еден повеќе од Карабах кој на два пати одигра реми со шпанскиот
прволигаш.