Манчестер Сити одигра лоша сезона, првпат по долго време и тоа предизвика критики. Навивачите преку ноќ ги заборавија сите успеси, па почнаа да удираат и по играчите и по тренерите и по управата.
На мета на критики се најдоа Бернардо Силва и Матео Ковачиќ, за кои велат дека веќе се престари за сериозен фудбал. Португалецот беше запрашан да го прокоментира ова, па имаше интересно гледиште.
„Оние кои зборуваат дека јас и Ковачиќ сме престари за сериозен фудбал не го разбираат спортот. Имаме по 30 години, не разговараме за играчи кои се пред крајот на кариерата, а веќе велат дека сме стари и не сме доволно добри? Во последните осум сезона освоивме шест трофеи во Премиер лигата, а сега поради четири лоши меча сме престари. Тоа го зборуваат луѓе кои никогаш не играле фудбал и немаат поима за него. Ќе им докажеме дека грешат, имаме време за такви нешто. Можеби заостануваме во некои натпреварувања сезонава, ама ќе се вратиме не грижете се“, заклучи Силва.
Оваа сезона Манчестер Сити остана без шанси во Премиер лигата, беше елиминиран во Лигата на шампионите и Карабао купот, па остана да се бори само за трофејот во ФА Купот.