Медиумите во Италија,
поточно во Сицилија стравуваат дека капитенот на Палермо, Илија Несторовски чувствува притисок од јавноста, додаваат дека ова мора да биде година на зрелост кај нашиот фудбалер од кого се очекува најмногу во обидите на тимот да
се врати во елитата на Италија.
„Илија
Несторовски има карактер и харизма во себе, огромна, а карактерот му е онаков
со желба да даде максимум од себе на сите натпревари за својот тим, но кога ќе
падне, тој страда од расположението. Минатата сабота, како за пример, камерите
го овековечија моментот кога Македонецот фрли шише откако беше заменет, гест
наменет се чини лично кон себе, а мечот заврши нерешено. Се чини дека неговиот
гнев беше уште поголем ако се земе во предвид дека не одигра онака како што
посакува, и тоа пред се’ пред
очите на своето семејство кое дојде да го бодри и следи на трибините“ пишува „Сицилија
Спорт“ во анализата за капитенот на Палермо, од кого се очекува многу сезонава.
Инаку, претходно
наведениот медиум пишува за последниот меч на Палермо во Серија Б, каде одигра
3-3 на домашен терен против Емполи, токму Трајковски го замени Несторовски во
59. минута, медиумите во Италија пишуваа на големо за реакцијата на
Несторовски, а стратегот од клупата на тимот од Сицилија, Бруно Тедино на пресконференција пред новинарите даде свој коментар во однос на оваа ситуација.
Засега, по три
одиграни кола во второлигашкото друштво на Италија, Несторовски и Трајковски
постигнаа по еден погодок, на две одиграни средби, изостана нивно учество во
еден натпревар за Палермо, поради репрезентативни обврски.
Извор: sport.livesicilia.it