Валтер Рикиарди,
член на Светската здравствена организација (СЗО) потврди дека постои предлог до
„Серија А“, за натпреварите од тој шампионат да продолжат во централно-јужниот
дел од Италија.
Северот на таа
земја е доста погоден од коронавирусот, всушност тоа е еден од епицентрите на
пандемијата со Ковид-19 ширум светот, а централниот и јужниот дел од Италија
беа погодени со помало ниво.
Како и да е,
Рикиарди, кој воедно е советник во италијанскиот Олимписки комитет, верува дека
сезоната во „Серија А“ би можела да продолжи во централно-јужниот дел на
Италија.
„Потребно е да се
оцени сценариото во две седмици, бидејќи тоа е периодот на инкубација на
вирусот“ вели Рикиарди.
„Ситуацијата
станува подобра во повеќе делови од Италија, но, не во сите, Ломбардија и
натаму има загрижувачко сценарио, генерална индикација не може да се даде“
додава тој.
„Вирусот ќе
продолжи да се шири дури не се пронајде вакцина за истиот, а ние мораме да ги
заштитиме сите, тука се секако и фудбалерите, како и сиот не-фудбалски
персонал, постојат неколку можности кога говориме за италијанскиот фудбал, постои
протокол за идните активности, сите посакуваат да се заврши сезоната“ вели тој.
„Во Италија
немаме низ целата земја иста слика на бројките со заразени, во
централно-јужниот дел на земјата не проследивме катастрофална експлозија на
вирусот како што тоа се случи на Северот“ подвлекува членот на СЗО.
„Со оглед на
регионите обележани под ризики, ние го нудиме централно-јужниот дел на Италија,
не постои причина зошто да забраните активности каде што нема активни случаи,
тоа што ние ќе го понудиме е да имаме различни мерки со оглед на ситуацијата по
регионите“ заклучи Рикиарди во разговорот за радио „Пунто Нуово“.