Селекторот на Портгугалија: Модриќ е голем играч, но…

Селекторот на
Португалија, Фернандо Сантош застана зад својот репрезентативец Кристијано
Роналдо, сметајќи дека тој ја заслужил наградата „Д Бест“ која ја освои Лука
Модриќ за најдобар фудбалер.

Сантош не се
сомнева во квалитетите на Хрватот, но, вели дека сето тоа што Роналдо го сторил
ланската сезона, речиси како да нема вредност сега.

„Модриќ е голем
играч, затоа и при самото гласање го поставив на второто место. Но, според
мене, најдобар фудбалер од минатата сезона без никакво сомнение беше Кристијано
Роналдо, постигна 50 погодоци, се чини дека сето тоа што тој го реализираше,
сега нема вредност“ изјави Сантош.