Селадес: Не смееме да мислиме дека Македонија не е голема репрезентација

Шпанија важи за еден од главните фаворити за освојување на Европското првенство, а прв противник им е нашата репрезентација.

„Македонија беше во тешка група, играа против многу добри тимови како Франција, Украина, Исланд. Имаа некои многу добри натпревари, имаат добри фудбалери, па треба да бидеме на нашето најдобро ниво, нема сомнеж за тоа“ – вели селекторот Алберт Селадес.

„Имаме голема почит за Македонија, знаеме дека треба да го дадеме најдоброто за да ги победиме. Не смееме да мислиме дека Македонија не е голема репрезентација“.

„Работевме многу напорно да дојдеме до тука и знаеме дека треба да играме на највисоко ниво против секој противник. Важно е да стартуваме со победа“.