Европската куќа на фудбалот излезе со соопштение за контроверзниот момент на синоќешниот натпревар помеѓу Атлетико Мадрид и Реал Мадрид во Лигата на шампиони и понуди докази зошто голот на Хулијан Алварез бил поништен.
УЕФА реши да стави крај на сите полемики, европската куќа на фудбалот излезе со соопштение откако Атлетико Мадрид побарал повеќе информации за поништениот гол на Хулијан Алварез.
„Атлетико Мадрид побара консултација околу инцидентот по кој беше поништен голот од пенал на Хулијан Алварез на синоќешниот натпревар против Реал Мадрид во Лигата на шампиони“ – гласеше известувањето.
„Иако контактот беше минимален, играчот направи контакт со топката со ногата на која се потпираше кога шутираше, и ова се гледа во понуденото видео. Во склоп на сегашните правила, ВАР мораше да го извести судијата дека голот треба да биде поништен“.
„УЕФА ќе отвори дискусија со ФИФА и ИФАБ за да се види дали треба да се промени правилото доколку двојниот допир на топката не е намерен“.
— Dani Martidí (@danimartidi) March 13, 2025
El vídeo que proporciona UEFA sobre la polémica de Julián Álvarez.
Parece que en esta toma es más evidente el toque. pic.twitter.com/wjcB0Tt0ta