Сè е во рацете на Ла Лига: Барселона активира „план Б“ за регистрација на Олмо!

Барселона не може да го регистрира Дани Олмо поради финансискиот крах кој се случи во последните неколку години.

Клубот не успеа да отвори место во буџетот, а потоа се обиде двапати преку Судот преку жалба да добие дозвола за регистрација. Сепак, откако и тоа беше одбиено каталонскиот тим се најде во незавидна ситуација.

Барселона испрати и уште испраќа документи за продажба на ВИП седишта кон Ла Лигата. Со тоа се надеваат дека челниците ќе прифатат дополнителни приходи и ќе ги депонираат договорите на Дани Олмо и Пау Виктор.

Рокот на Барселона ѝ истекува вечерва на полноќ, а доколку Олмо не биде регистриран ќе има слобода да одлучува за својата иднина и да замине доколку има подобра понуда.