Саутемптон бара рекордна цена за својот најголем талент!

Екипата на Саутемптон ја одреди цената за заинтересираните страни за потпис со младиот Тајлер Диблинг.

„Светците“ сакаат да заработат рекордна сума која некогаш е платена за еден англиски фудбалер. За услугите на Диблинг во Саутемптон бараат најмалку 120 милиони евра, што ќе го надмине досега најскапиот англиски трансфер на Грилиш во Манчестер Сити.

Засега е нејасно зошто Саутемптон бара толку пари ако се согледаат фактите. Станува збор за најслабиот тим сезонава во Премиер лигата, а и 19-годишникот нема некои претерано добри бројки.

Тајлер Диблинг одигра 30 меча досега, даде четири гола и забележа две асистенции, а настапува за У19 селекцијата на Англија.