Реал Мадрид во изминатите денови добил изненадувачки телефонски повик од Саудиска Арабија, кој предизвикал вистинска бура во клупските канцеларии на „Сантијаго Бернабеу“. Причината била можниот трансфер на една од најголемите ѕвезди на „кралскиот клуб“, Винисиус Жуниор.
Според информациите, еден од саудиските клубови испратил сериозна иницијатива до Реал Мадрид и бил подготвен да плати околу 200 милиони фунти за ангажман на бразилскиот офанзивец, што претставува една од највисоките понуди во историјата на фудбалот.
Сепак, претседателот на Реал Мадрид, Флорентино Перез, без двоумење ја одбил понудата, јасно ставајќи до знаење дека Винисиус не е достапен за продажба во јануарскиот преоден рок.
Иако бразилскиот репрезентативец подолго време се поврзува со можно заминување од Мадрид, ваквиот став на клупското раководство само потврдува дека Винисиус е клучен дел од проектот на Реал Мадрид и еден од столбовите на сегашниот и идниот тим.