„Старата дама“
може да го загуби лидерското место на табелата по ова коло, избраниците на
Маурицио Сари попладнево одиграа 2-2 против Сасуоло. Бонучи го отвори
резултатот со прецизен удар од врвотна шеснаесетникот, но само три минути
подоцна гостите изедначија. Бога ја избегна офсајд стапицата и мајсторски го
лобуваше Буфон за 1-1.
Сасуоло поведе на
стартот од вториот дел по серија грешки на домаќините. Квадрадо лошо врати, Де
Лихт иако ја стигна топката само му ја подаде на Капуто а капак на се беше
лошата интервенција на Буфон кој дозволи токата да заврши зад неговиот грб.
По негативата,
Јувентус силно притисна, стигна до изедначување преку пеналот на Роналдо, но
победоносен гол изостана. „Бјанконерите“ имаа неколку шанси, но сигурен беше
голманот Стефано Турати. 18 годишното момче, кој не бил роден кога неговиот
колега од спротивната страна Џиџи Буфон дебитирал, имаше неколку добри
интервенции и ги спречи обидите на Дибала и Ремзи.