Шефот на
стручниот штаб на италијанскиот првак Јувентус, Маурицио Сари ги коментираше
изјавите на Јирген Клоп и Лионел Меси кои тврдеа дека „Старата дама“ е помеѓу
главните фаворити за европската титула сезонава.
Јувентус вечерва
гостува кај Олимпик Лион во првата пресметка помеѓу овие две екипи во
осминафиналната рунда од Лигата на шампионите, а Сари тврдењата на тренерот на
Ливерпул, како и ѕвездата на Барселона ги оцени како смешни.
„Мислам дека тие
се шегуваат, да, ние го имаме еден од најсилните тимови во ова натпреварување,
но постојат и други силни екипи покрај нас во Европа во моментов, барем
десетина клуба чија цел е освојување на европската титула“ рече Сари.
„Ние сме дел од
тие екипи секако, но покрај италијанските трофеи на кои сме многу посветени за
да ги освојуваме, Лигата на шампионите е повеќе сон отколку цел“ додаде
искусниот фудбалски стратег кој извесен период се соочува со големи критики за
својата работа во тимот од Торино.
„Јувентус не е
обврзан да ја освои Лигата на шампионите бидејќи постојат финансиски помоќни
клубови од нас, така единствениот притисок врз нас се сведува на тоа да се
обидеме, а ние тоа ќе го сториме“ заклучи Сари.