Салах со нов рекорд, Ливерпул со моќно издание му даде пет гола на Вест Хем (ВИДЕО)

Ливерпул забележа убедлива победа на гостувањето во Лондон против Вест Хем, „црвените“ славеа со 0-5.

Избраниците на Слот со ново моќно издание и висока победа од 0-5 ја завршија 2024, вечерва настрада Вест Хем.

Диаз го отвори резултатот по половина час игра, а до крајот на првиот дел веќе беше 0-3 со головите на Гакпо и Салах.

Александер Арнолд по десетина минути игра во второто полувреме зголеми на 0-4, а Диого Жота во финишот од мечот ги постави конечните 5-0.

Мо Салах постави нов рекорд, откако и денеска постигна гол и забележа асистенција. И покрај тоа што е само декемви, Египјанецот веќе има вакви осум натпревари, успех кој го нема постигнато ниту еден друг играч во историјата на Премиерлигата.