Салах му одговори на Невил за тврдењата дека ќе си замине од Ливерпул

Мо Салах својата најголема промоција ја имаше во Ливерпул каде што дојде од Рома.

Тој често се поврзува со Реал Мадрид и Гери Невил верува дека Салах следното лето ќе го напушти Ливерпул како што претходно тоа го сторија Суарез и Кутињо.

„И Карагер знае, но нема да каже. Салах ќе си замине, ви гарантирам. Може да се почувствува тоа, може да се намириса“, вели Гери Невил.

Зборувајќи за „Си-Ен-Ен“, Салах беше прашан и што мисли за тврдењата на Невил, а тој одговори: „Среќен сум во Ливерпул. Среќен сум во градот, ги сакам фановите и тие ме сакаат мене. Среќен сум во клубот“.

Ова не беше конкретен одговор од Салах, но англиските медиуми го протолкуваа како знак дека сака долго да остане во Ливерпул.