Неколку извори пренесуваат дека Мохамед Салах донел одлука за својата иднина и решил да продолжи во дресот на Ливерпул.
Мохамед Салах ги одработува последните месеци од договорат со Ливерпул, никако да пристигне абер за нова соработка, па често се говори дека напаѓачот ќе го напушти Енфилд.
Египјанецот се поврзуваше со ПСЖ, Барселона и преселба во Саудиска Арабија, но последните информации велат дека тој решил да остане во Ливерпул.
Како што пренесува Фут Меркато, Мохамед Салах ќе стави потпис на двегодишен договор и ќе стави крај на шпекулациите за неговата иднина.
Одредени информации пак велат дека Мохамед Салах бил забележан во близина на „Алберт Док“ во придружба на филмска екипа, па се верува дека веќе се прават промотивни материјали кои ќе служат при објава на големата вест дека Египјанецот останува.