Португалија билетот
за мундијалот во Катар ќе го брка преку бараж откако синоќа во Лисабон загуби
во дуелот со Србија со гол во 90. минута. По последниот свиреж на судијата, Кристијано
Роналдо во неверица седна на теренот и почна да плаче. Подоцна, ЦР7 имаше
нервозна реакција кога селекторот Фернандо Сантош му пријде да се поздрават.
Се шпекулираше
дека фудбалерот на Манчестер јунајтед имал критики за тактичките замисли на
Фернандо Сантош, но селекторот откри каква порака испратил Кристијано Роналдо.
„Кажуваше дека
постигнал гол во последните минути и дека судијата не му го признал. Беше
нервозен, тоа е сосема нормално“ – изјави Фернандо Сантош.
Селекторот на Португалија
говореше за спорната ситуација на мечот во Белград, кога Кристијано Роналдо
погоди за 2-3, но помошник судијата не виде дека топката ја мина гол линијата,
па бодовите беа поделени.
Доколку судиите
не направеа голем превид и голот беше признат, Португалија сега ќе беше учесник
на Светското првенство а Србија ќе играше бараж.
Portugal manager Fernando Santos explaining why Cristiano Ronaldo made this gesture at full time.
“He was saying to another player that there [in Serbia] he scored a last minute goal that the referee didn’t allow.”pic.twitter.com/EUFmAVr5OV
— Sam Street (@samstreetwrites) November 14, 2021