Роналдо не се враќа во Европа, ќе добие нов мега договор од Ал Наср

Кристијано Роналдо ќе ја продолжи авантурата во Саудиска Арабија, Португалецот ќе добие едногодишен договор од Ал Наср со плата од преку 200 милиони евра.

Кристијано Роналдо, кој следниот месец ќе наполни 40 години, ќе продолжи авантурата во Саудиска Арабија и ќе остане најплатениот фудбалер во светот.

И покрај тоа што изминатиов период имаше гласини за негово враќање во Европа, Португалецот ќе стави потпис на едногодишен договор со Ал Наср.

Како што пренесуваат Ал Кабар и О Жого, Кристијано Роналдо ќе добие нешто над 200 милиони евра за нови 12 месеци во Ријад.

Со вакви бројки,ЦР7 ќе заработува нешто над 3,8 милиони евра секоја недела, или речиси 550.000 евра секој ден.