Медиумите од Португалија пренесуваат дека Кристијано Роналдо поделил персонализирани часовници на соиграчите од репрезентацијата во чест на триумфот во Лигата на нации, подарок имало и за семејството на трагично починатиот Диого Жота.
Порталот СИК Нотисиас објави дека Кристијано Роналдо се здружил со луксузниот бренд „Џекјкоб & Ко“ за да направи персонализирани часовници за соиграчите од репрезентацијата на Португалија во чест на триумфот во Лигата на нации.
Часовниците биле поделени пред натпреварот против Ерменија во квалификациите за Светското првенство.
Celebrating victory on every detail.
— Jacob&Co (@_Jacobandco) November 13, 2025
The Jacob & Co Epic X – UEFA Nations League 2025 Champions is a custom edition made for @portugal ’s national team.
A skeleton dial, bespoke design, and the Portuguese crest — a watch as exceptional as the champions themselves.
Limited to… pic.twitter.com/ZajX7QTuAx
Кристијано Роналдо не заборавил на трагично починатиот Диого Жота, па неговиот часовник бил доставен до семејството.
„Ова се детали направени без желба за рекламирање, и ја покажува вистинската страна на Кристијано Роналдо. Многумина однадвор имаат слика за него што не одговара на вистината“ – напиша новинарот Нуно Луз.
Кристијано Роналдо често добива критики за своето однесување, така беше и кога не се појави на погребот на Диого Жота, и уживаше на својата јахта во Мајорка.