130
Барселона во моментов го има најдобриот напад во светот, триото Нејмар, Лионел Меси и Луис Суарез изгледа многу моќно, но Роналдињо смета дека нападот во негово време бил уште подобар.
„Двете напаѓачки триа креираа историја во своите периоди. И двете се навистина добри, но јас го преферирам она во кое игравме јас, Самуел Ето и Лионел Меси“ – вели Роналдињо.
Тој има посебни пофалби за неговиот сонародник Нејмар за кој верува дека ќе стане најдобар во светот.
„Мислам дека тој веќе е еден од најдобрите во светот, еден ден сигурно ќе биде најдобриот. Ние Бразилците го чекаме тоа бидејќи тој е идол на сите во нашата земја. Одличен пријател е и само прашање на време е кога ќе биде најдобриот во светот“.