И покрај тоа што е резервен голман на Манчестер јунајтед, Серхио Ромеро во минатата година имаше солиден број на настапи во куповите, па тој е задоволен што ја продолжува соработката со англискиот клуб.
„Манчестер јунајтед со задоволство може да соопти дека Серхио Ромеро потпиша нов договор според кој ќе остане во клубот до јуни 2021 година со опција за продолжување на уште една година“ – стои во соопштението на клубот.
„Среќен сум што потпишав нов договор. Кој не би сакал да биде во најголемиот клуб во светот? Имаме одлични голмани тука и секогаш учиме еден од друг. Се разбира, многу горд момент за мене и мојата фамилија беше тоа што бев дел од финалето во Лига Европа“ – вели Ромеро.
„Серхио е голем голман и професионалец. Имаше одлична сезона со исклучителни перформанси особено во Лига Европа. Го заслужи новиот договор и за Манчестер јунајтед е многу важно што има голмани како Серхио и Давид“ – вели Жозе Мурињо.