Рома ја доби градската пресметка и славеше во дербито во Серија А против Лацио со минимални 0-1 на „Олимпико“.
Иако натпреварот понуди само еден погодок, атмосферата беше спектакуларна со фантастични кореографии на двете навивачки групи. Првите прилики ги имаа домашните преку Закањи и Ромањоли, но гостите беа тие кои поведоа во 38. минута. Суле по една одземена топка асистираше до Лоренцо Пелегрини, кој прецизно погоди во подалечниот агол за 0-1.
🇮🇹🟡🔴 LA ROMA ABRE EL MARCADOR EN EL DERBI DE LA CAPITAL ANTE LAZIO
— Ligas Top del Fútbol (@LigasTopFutbol) September 21, 2025
GOL LORENZO PELLEGRINI QUE VUELVE ANOTAR DESPUÉS DE 9 MESES
COMO SE COMPLICÓ SOLO NUNO TAVARES…pic.twitter.com/I0jMxD5XIW
Рома можеше уште до полувремето да ја зголеми предноста преку Ренш, но тој не реализираше. Во второто полувреме Лацио се обиде да израмни, создаде неколку шанси преку Диа и Каталди, но не успеа да ја пробие одбраната на „волчицата“. Црвениот картон на Белахиан дополнително им ги скрати надежите.
Со оваа победа Рома стигна до девет бода по четири кола во Серија А, додека Лацио, кој летово имаше забрана за трансфери, остана на само три.