Фудбалерот на Манчестер Сити, Родри не е типична фудбалска ѕвезда, Шпанецот не купува скапи автомобили ниту луксузни часовници, вели дека слаба страна му е вкусна храна и убав одмор.
Родри оваа недела беше гостин во популарната емисија „Ел Ормигеро“, говореше на многу теми, а доби и прашање за тоа на што ги троши парите, и дали е како останатите фудбалски ѕвезди кои трчаат по скапи автомобили и луксузни часовници.
Новинарот исто така му посочи дека нема тетоважи, има нормална фризура и секогаш дресот го става во шорцеви.
„Знам дека сум чудак“ – вели Шпанецот, кој минатиот месец ја освои престижната „Златна топка“.
„Мојот прв автомобил го купив на старо, од една постара жена. Кога станав докажан првотимец, моето семејство ми рече дека повеќе не можам да се возам во старата Опел Астра и треба да купам ншето нова, па купив прилично скап автомобил и тоа е тоа“.
„Не купувам часовници, ги имам само тие кои ги добиваме кога освојуваме трофеи“.
„На што ги трошам парите? Салаба страна ми е храната, уживам во убава храна. Исто така сакам да уживам во добар одмор. Па трошам пари на храна и одмор“.