Ристовски: Требаше да играм 30 минути, но ризикував за Македонија

Натпреварот против Словенија беше прв меч за Стефан Ристовски оваа сезона, тој се уште нема настап за Спортинг Лисабон откако се повреди. 

Ристовски одигра 80 минути, а потоа беше заменет со Тошевски. Тој вели дека планот бил да одигра значително помалку.

„Планот беше да одиграм 30 минути, но ризикував за Македонија. Поради тоа тука има и човек од Спортинг, но желбата да играм пред нашата публика беше голема. Драго ми е што стадионот се наполни и луѓето видоа дека Македонија може да игра против секого“, изјави Стефан Ристовски.