Ретеги потпиша во Саудиска Арабија и ја наполни касата на Аталанта

Клубот од Саудиска Арабија, Ал Кадсија денеска го промовираше Матео Ретеги за ново засилување, за кое тие на Аталанта ќе и платат 65 милиони евра што е највисока сума досега платена за еден Италијанец.

И покрај интересот од низа врвни европски клубови, 25-годишниот напаѓач се реши за богатата понуда од Блискиот Исток. Според договорот, во наредните три години ќе инкасира по 20 милиони евра по сезона.

Ретеги зад себе има импресивна сезона, во која со 28 постигнати голови беше најдобар стрелец во Серија А. Пред да го облече дресот на Аталанта, настапуваше за Џенова, како и за неколку клубови од Аргентина – Тигре, Талерес, Естудијантес и Бока Јуниорс.