Скај Германија објави дека Реал Мадрид го мерка Хуго Ларсон од Ајнтрахт Франкфурт, младиот Швеѓанец е идентификуван како една од опциите за наследник на Тони Крос.
Тони Крос минатото лето стави крај на кариерата и остави голема дупка во средниот ред на „кралевите“, па често се шпекулира дека Реал Мадрид е во потрага на нов фудбалер од средниот ред и се споменуваат неколку имиња.
Последните информации велат дека актуелниот шампион на Шпанија и Европа го мерка Хуго Ларсон од Ајнтрахт Франкфурт.
20 годишниот Швеѓанец прикажува одлични партии во дресот на „орлите“ па го привлече вниманието на многу клубови.
Скај Германија додава дека интересот на Реал Мадрид не е нов, „кралевите“ внимавале на фудбалерот уште кога тој бил дел од Малме.
Ајнтрахт Франкфурт нема лесно да се откаже од својата млада ѕвезда и ќе бара над 50 милиони евра за трансфер.