Според последните информации од Лондон екипата на Арсенал е подготвена да испрати понуда од 30 милиони евра за услугите на 20-годишниот турски фудбналер од Реал Мадрид, Арда Ѓулер.
Талентираниот Ѓулер не добива преголема минутажа во големата конкуренција во Мадрид и почесто е на клупата за резерви. Во шпанското првенство во просек добива по 35 минути, додека во Лигата на шампионите е на 20 минути.
Анчелоти најчесто го користи во Копа дел Реј каде што игра во стартниот состав и зад своето име во ова натпреварување има два гола и три асистенции.
Ѓулер ја помина младинската школа на Фенербахче и во Реал Мадрид пристигн во 2023 година како 18 годишник за сума од 20 милиони евра. Неговиот договор со „кралевите“ е со важност до 2029 година.
За турската репрезентација Ѓулер настапи на 19 натпревари во кои постигна четири гола и подели три асистенции.