Реал Мадрид испратил понуда: Го сака Трент во јанаури!

Како што стојат работите, Трент Александар Арнолд ќе го засили Реал Мадрид, а сега само прашање на време е кога тоа ќе се случи.

Договорот на Арнолд истекува на крајот на сезоната и според информациите „кралевите“ веќе имаат договор со фудбалерот за на лето, но сега се обидуваат да го добијат неговиот потпис и порано.

Според „Дејли Телеграф“ шпанскиот гигант испратил понуда од околу 20 милиони фунти или околу 24 милиони евра за Ливерпул да го пушти Трент во јануари.

Станува збор за сума многу пониска од неговата вредност бидејќи таа изнесува 75 милиони евра, но на „Енфилд“ би можеле да ја прифатат со цел да заработат нешто од неговото заминување.