Звучи неверојатно, но „Донбалон“ пишува дека Реал Мадрид би го продал Лука Модриќ доколку добие добра понуда за хрватскиот фудбалер.
Ваквите стории се актуелни по натпреварот против Алавес кој Реал Мадрид го доби со убедливи 3-0 иако не одигра некој спектакуларен меч.
Играта на Лука Модриќ против Алавес наиде на големи критики во медиумите, тој на теренот беше 68 минути, а по неговото излегување Реал Мадрид почна да игра подобро.
„Реал Мадрид е подготвен да го продаде Модриќ ако стигне добра понуда“ – пишува „Донбалон“ и додадава дека за тоа знае веќе некое време и тврди дека парите добиени од хрватскиот фудбалер, шпанскиот клуб е подготвен да ги вложи во Кутињо.
Ваквите стории се чудни ако се знае влијанието на Лука Модриќ во играта на Реал Мадрид оваа сезона. Хрватот можеби не е во најдобра форма во моментов и против Алавес го одигра најлошиот натпревар, но тој е еден од најдобрите фудбалери во тимот и тешко е за верување дека европскиот првак ќе се откаже од него.