Реал Мадрид е нов шампион на Шпанија, кралскиот клуб не дозволи изненадување, славеше на гостувањето кај Малага и го завери големиот трофеј.
Резултатот беше отворен по само две минути игра кога Кристијано Роналдо постигна гол за водство на Реал Мадрид од 1-0, Португалецот изби сам пред противничкиот голман и лесно го матираше.
По десет минути игра во вториот дел, Карим Бензема реализира поставувајќи ги конечните 2-0 за Реал Мадрид.
Барселона чекаше кикс на Реал Мадрид, но тоа не се случи, каталонскиот тим се врати од 2-0 негатива против Еибар и победи со 4-2.
Меси постигна два гола, можеше и хет-трик но не реализираше пенал, еден погодок беше дело на Суарез, а еден автогол на Јунка.
На Реал Мадрид оваа сезона му остана борба за уште една голема круна, на 3. јуни го игра финалето од Лигата на шампионите против Јувентус.