Реал Мадрид донира еден милион евра за помош на жртвите од поплавите во Валенсија

Реал Мадрид соопшти дека испраќа помош од милион евра за да помогне за жрвите во големите поплави во Валенсија поради кои се одложи и нивниот натпревар кој требаше да се игра во сабота.

„Фондацијата на Реал Мадрид и Црвениот крст почнаа кампања за собирање на средства за поддршка на настраданите од поплавите. Реал Мадрид одлучи да се приклучи во поддршката на оваа кампања со донација од еден милион евра за да помогне на повеќе фамилии кои се најдоа во критична ситуација и на кои им треба нашата помош и солидарност“, стои во соопштението на Реал Мадрид.