Реал Мадрид четири пати ја тресеше мрежата на Сарагоса за пласман во четвртфиналето од Купот на Шпанија (ВИДЕО)

Кралскиот клуб немаше проблеми да ја помине Сарагоса, одигра моќно, даде четири голови и оствари лесна победа.

Дека домаќините ги чека лоша вечер се виде уште на самиот почеток кога Рафаел Варан постигна гол за водство на Реал Мадрид од 1-0.

По половина час игра во мечот, Лукас го зголеми водството на 2-0 за Реал Мадрид, со тој резултат се отиде на полувремето.

Во 72. минута Жуниор Винисиус погоди за веќе убедливо водство од 3-0, а конечните 4-0 ги постави Бензема седум минути подоцна.

Валенсија дури по пеналите победи на гостувањето кај Леонеса.

Виљареал со 2-0 победи на гостувањето кај Рајо Ваљекано, Реал Сосиедад со 3-1 беше подобар од Осасуна, Гранада со 3-2 по продолженија дојде до триумф кај Бадајоз.