Реал Мадрид го искористи киксот на Атлетико и се искачи на втората позиција на табелата откако вечерва со 2-1 ја доби пресметката против Рајо Ваљекано.
Реал Мадрид ја доби пресметката со локалниот ривал Рајо Ваљекано, избраниците на Карло Анчелоти славеа со 2-1.
Резултатот беше отворен по половина час игра, Мбапе доби топка во фор, си направи простор за шут и погоди на подалечната статива за 1-0.
KYLIAN MBAPPE WHAT A GOAL!
— TC (@totalcristiano) March 9, 2025pic.twitter.com/zMVPoUvNZC
Само четири минути подоцна Винисиус реализираше за 2-0, Бразилецот долго време ја имаше топката во свои нозе, во еден момент се чинеше дека одбраната на Рајо ја има ситуацијата под контрола, но напаѓачот убаво исфрли двајца противници и ја затресе мрежата.
VINICIUS JR WHAT A GOAL!
— TC (@totalcristiano) March 9, 2025
Во судиското надополнување на првиот дел, Педро Дијаз прекрасно погоди од врвот на шеснаесетникот за 2-1 и најави неизвесно второ полувреме.
Сепак, продолжението од натпреварот не донесе нов гол, Реал Мадрид гледаше само како да го приврши мечот, домаќините во завршницата често грешеа па добија и свирежи од публиката за недоволното залагање.
Рајо не умееше како да го изненади фаворитот, па трите бода останаа на Бернабеу.