167
Реал Мадрид со 2-1 ја доби пресметката против градскиот ривал Атлетико Мадрид во Џеда, „кралевите“ закажаа пресметка против Барселона за трофејот во Суперкупот на Шпанија.
Во Саудиска Арабија ќе се игра ново „Ел Класико“, Барселона и Реал Мадрид ќе се сретнат во финалето на Суперкупот на Шпанија.
„Кралевите“ вечерва со 2-1 го совладаа Атлетико Мадрид и закажаа пресметка против лутиот ривал.
Валверде го отвори резултатот веќе во втората минута, Уругваецот испука проектил од слободен удар за водство од 1-0.
По десет минути игра во второто полувреме, Родриго зголеми на 2-0, но Сорлот веднаш одговори и намали на 2-1.
Атлетико потоа силно притисна за изедначување, но недостасуваше завршница, па момците на Чаби Алонсо се радуваа на победа.