Во холандското првенство се случува вистинска драма, голема е веројатноста Ајакс вчера да ја загуби титулата бидејќи во претпоследното коло го загуби првото место на табелата, сега ПСВ е во пол позиција.
Пред неколку кола Ајакс беше убедливо прв на табелата и ретко кој можеше да поверува дека нема да останат таму до крајот на сезоната. Но на последните четири натпревари гигантот од Амстердам нема ниту една победа, два порази и две нерешени.
Посебна приказна беше вчерашниот меч кога примија гол во 99. минута од Гронингем за 2-2.
Вчера сите мечеви во Холандија се играа во исто време, па беше интересно. Прво заврши дуелот на ПСВ кој со убедливи 4-1 го победи Хераклас.
По тој дуел дел од фановите на ПСВ останаа на трибините и на своите мобилни телефони го следеа мечот меѓу Ајакс и Гронингем, на теренот беа и фудбалерите.
Кога Ајакс прими гол во 99. минута, настана општо славје на трибините на на стадионот во Ајндховен.
Сега ПСВ е прв со 76 бодови, Ајакс има 75. Во последното коло ПСВ е гостин на Спарта Ротердам, а Ајакс го пречекува Твенте.
PSV fans & staff after hearing Ajax conceded in the 99th minute:
— Mystershirt 👕📦 (@Mystershirt) May 14, 2025
😭😭😭😂 pic.twitter.com/f9eIhGfszK