Рашфорд не е ниту на клупата на Јунајтед – четврти натпревар по ред!

Манчестер јунајтед му гостува на Вулвс, а и овојпат за Маркус Рашфорд немаше место ниту на клупата за резерви.

Рубен Аморим веќе четврти натпревар по ред не го става Маркус Рашфорд во составот на Манчестер јунајтед.

Португалецот не е задоволен од тоа како работи напаѓачот на тренинзите, а откако го изостави првиот пат се чини дека му го скрши и егото на Рашфорд, па тој како и да нема желба да засука ракави и да се врати во составот.

Не се исклучува заминување на Маркус Рашфорд уште во јануарскиот преоден рок.